Maharashtra Politics: '...कुबड्या तोडून चुलीत घालायच्या आहेत', रोहित पवारांचा भाजपवर हल्लाबोल

राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी महायुतीवर, विशेषतः भाजपवर जोरदार हल्ला चढवला आहे. मुंबई महानगरपालिकेची निवडणूक संपल्यानंतर भाजप मुख्यमंत्री एकनाथ शिंदे यांना राजकीय दृष्ट्या संपवण्याचा प्रयत्न करेल, असा खळबळजनक दावा त्यांनी केला. रोहित पवार म्हणाले, ‘काहींची अपेक्षा होती की आदराने कुबड्यांना कुठेतरी एखाद्या खोलीमध्ये टांगलं जाईल, पण इथे असं दिसतंय की कुबड्या तोडायच्या आणि चुलीत घालायच्या आहेत’. केंद्रीय गृहमंत्री अमित शाह यांनी ‘आता आम्हाला कुबड्यांची गरज नाही’ असे वक्तव्य केले होते, याचा संदर्भ देत रोहित पवारांनी भाजप मित्रपक्षांची ताकद कमी करत असल्याचा आरोप केला. शिंदेंना त्यांच्या बालेकिल्ल्यात, म्हणजेच ठाण्यातही, भाजप नीट राजकारण करू देणार नाही, असेही ते म्हणाले.