Bihar Elections: 'मैथिली ठाकूरचा निर्णय अयोग्य', RJD उमेदवार विनोद मिश्रांचा हल्लाबोल

बिहारच्या अलीनगर विधानसभा मतदारसंघात निवडणुकीची रणधुमाळी सुरू आहे, जिथे प्रसिद्ध लोकगायिका मैथिली ठाकूर भाजपच्या तिकिटावर निवडणूक लढवत आहेत. त्यांच्या विरोधात राष्ट्रीय जनता दलाचे (RJD) उमेदवार विनोद मिश्र यांनी जोरदार टीका केली आहे. 'त्यांना ज्या क्षेत्रात त्या होत्या, त्यात आणखी पुढे जाण्याची गरज होती आणि असे केले असते तर त्यांना अधिक मोठा दर्जा मिळाला असता, जो योग्य असता', असे स्पष्ट मत विनोद मिश्र यांनी व्यक्त केले. मिश्र यांच्या मते, मैथिली यांचा राजकारणात येण्याचा निर्णय वेळेपूर्वीचा आणि अयोग्य आहे. लोकांच्या सुख-दुःखात साथ देणाऱ्या आमदाराची गरज अलीनगरच्या जनतेला आहे, असेही ते म्हणाले. या निवडणुकीत एका बाजूला मैथिली ठाकूर यांची लोकप्रियता आहे, तर दुसऱ्या बाजूला विनोद मिश्र यांचा स्थानिक अनुभव, त्यामुळे ही लढत लक्षवेधी ठरली आहे.