Maha Politics: 'स्वतंत्र लढण्यासाठी सज्ज राहा', उपमुख्यमंत्री Shinde यांच्या बैठकीत नेत्यांना सूचना

आगामी स्थानिक स्वराज्य संस्थांच्या निवडणुकांच्या पार्श्वभूमीवर महायुतीमध्ये मतभेद उघड झाले असून उपमुख्यमंत्री एकनाथ शिंदे (Eknath Shinde) यांनी घेतलेल्या बैठकीत महत्त्वाच्या सूचना देण्यात आल्या आहेत. 'युतीमध्ये निवडणुका न झाल्यास स्वतंत्र लढण्यासाठी सज्ज राहण्याच्या सूचना' या बैठकीमध्ये देण्यात आल्याची माहिती समोर आली आहे. मुख्यमंत्री आणि उपमुख्यमंत्री पातळीवर महायुतीत एकत्र लढण्याचे ठरत असले तरी, ग्राउंड लेव्हलवर मात्र कार्यकर्ते आणि स्थानिक नेते स्वबळाची मागणी करत आहेत. रायगड (Raigad), ठाणे (Thane), सांगली (Sangli), सातारा (Satara), नाशिक (Nashik), आणि पालघर (Palghar) या जिल्ह्यांमधून स्वबळावर लढण्याची मागणी जोर धरत असल्याने महायुतीमधील ऐक्याची आशा कमी झाली आहे. यामुळे आगामी काळात महायुतीतील जागावाटपाचा तिढा अधिकच गुंतागुंतीचा होण्याची शक्यता निर्माण झाली आहे.