Banganga Tank : दक्षिण मुंबईतील बाणगंगा तलावाचा लवकरच जीर्णोद्धार, साडेचार कोटींचा खर्च अपेक्षित

दक्षिण मुंबईतील वाळकेश्वर इथे वसलेला बाणगंगा तलाव आणि परिसराचा जीर्णोद्धार करण्याचा प्रकल्प मुंबई महापालिकेने हाती घेतला आहे. हे काम तीन टप्प्यात करण्यात येणार असून त्यासाठी साडेचार कोटी रुपयांचा खर्च अपेक्षित आहे. यासाठी महापालिकेने निविदा मागवल्या आहेत. वाराणसीच्या धर्तीवर या परिसराचा जीर्णोद्धार करण्यात येणार आहे. मलबार हिल टेकडीच्या पश्चिम किनाऱ्यावर असलेले हे गोड्या पाण्याचे कुंड आहे. आजूबाजूने समुद्राने वेढलेले असताना त्यात मध्यभागी हे गोड्या पाण्याचे कुंड असल्यामुळे तलावाविषयी विशेष आकर्षण आहे.