Soyabeen High Rate: सोयाबीनला विक्रमी भाव, वाशिम बाजार समितीत शेतकऱ्यांची गर्दी

वाशिम (Washim) कृषी उत्पन्न बाजार समितीत 'बिजवाई उन्नती' (Bijwai Unnati) या उच्च प्रतीच्या सोयाबीनला विक्रमी दर मिळाल्याने मोठी खळबळ उडाली आहे. या सोयाबीनला तब्बल ८ हजार ४३० रुपये प्रति क्विंटल इतका उच्चांकी दर मिळाला आहे, जो या हंगामातील सर्वोच्च आहे. हा विक्रमी भाव मिळाल्याच्या बातम्या आणि पावत्या व्हायरल होताच, वाशिम बाजार समितीमध्ये सोयाबीन विक्रीसाठी आणलेल्या वाहनांच्या लांबच लांब रांगा लागल्या आहेत. वाशिमसह यवतमाळ (Yavatmal), जालना (Jalna), हिंगोली (Hingoli), बुलढाणा (Buldhana) आणि अकोला (Akola) यांसारख्या आसपासच्या जिल्ह्यांमधूनही शेतकऱ्यांनी आपला माल विक्रीसाठी आणण्यास सुरुवात केली आहे. एकाच दिवसात दरात मोठी वाढ झाल्याने शेतकऱ्यांमध्ये समाधानाचे आणि उत्साहाचे वातावरण आहे.