Thackeray Reunion: 'महापालिका निवडणुकांशी संबंध नाही', Raj Thackeray यांचे मातोश्री भेटीवर स्पष्टीकरण

राज ठाकरे (Raj Thackeray) यांनी सहकुटुंब उद्धव ठाकरे (Uddhav Thackeray) यांच्या 'मातोश्री' निवासस्थानी जाऊन त्यांची भेट घेतली. स्नेहभोजनासाठी झालेल्या या भेटीनंतर राजकीय वर्तुळात चर्चांना उधाण आले आहे. 'मातोश्रीवरची ही भेट केवळ कौटुंबिक असल्याचं आणि महापालिका निवडणुकांशी याचा कोणताही संबंध नसल्याचं' राज ठाकरेंनी स्पष्ट केले आहे. गेल्या तीन महिन्यांतील ठाकरे बंधूंची ही सहावी भेट होती. या भेटींमध्ये राज ठाकरे यांच्यासोबत त्यांची आई, पत्नी शर्मिला, मुलगा अमित, सून मिताली आणि मुलगी उर्वशी हेदेखील उपस्थित होते. ५ जुलै रोजी हे दोन्ही भाऊ पहिल्यांदा एकत्र व्यासपीठावर आले होते, त्यानंतर वेगवेगळ्या कौटुंबिक कार्यक्रमांच्या निमित्ताने त्यांच्यात भेटीगाठी सुरूच आहेत, ज्यामुळे राजकीय विश्लेषक विविध शक्यता वर्तवत आहेत.