Pune Passport Racket : BJP आमदार Siddharth Shirole यांचा गंभीर आरोप

पुण्यातील बोगस पासपोर्ट प्रकरणावरून (Bogus Passport Case) राजकीय वातावरण तापले आहे, ज्यामध्ये भाजपचे आमदार सिद्धार्थ शिरोळे (Siddharth Shirole) यांनी थेट महाविकास आघाडी सरकार आणि तत्कालीन मुख्यमंत्री उद्धव ठाकरे (Uddhav Thackeray) यांच्यावर निशाणा साधला आहे. 'तत्कालीन मुख्यमंत्री उद्धवजी होते आणि त्या वेळेला हा जो काही सगळा प्रकार घडला आहे, त्याची चौकशी आदरणीय उपमुख्यमंत्री आणि गृहमंत्री देवेंद्र फडणवीस (Devendra Fadnavis) साहेबांनी करावी आणि जे सत्य आहे ते बाहेर आणावं,' अशी मागणी शिरोळे यांनी केली आहे. शिरोळे यांनी आरोप केला आहे की, गुंड निलेश घायवळ याला उद्धव ठाकरे मुख्यमंत्री असताना पासपोर्ट व्हेरिफिकेशनमध्ये मदत मिळाली. यामागे कोणताही राजकीय दबाव होता का, याची चौकशी झाली पाहिजे, असेही ते म्हणाले. या आरोपांना राष्ट्रवादी काँग्रेसचे आमदार रोहित पवार यांनी प्रत्युत्तर दिले असून, या प्रकरणामुळे भाजप आणि महाविकास आघाडीत नवा वाद निर्माण होण्याची शक्यता आहे.