Pune Land Scam : 'ती नोटीस चुकीची', Mundhwa जमीन घोटाळ्यावर Anjali Damania यांचा गौप्यस्फोटाचा इशारा

सामाजिक कार्यकर्त्या अंजली दमानिया (Anjali Damania) यांनी महसूलमंत्री चंद्रशेखर बावनकुळे (Chandrashekhar Bawankule) यांची भेट घेऊन पुण्यातील मुढंवा जमीन घोटाळा (Mundhwa Land Scam) प्रकरणी काही कागदपत्रे सादर केली आहेत. या भेटीनंतर दमानिया पत्रकार परिषद घेऊन मोठा गौप्यस्फोट करणार असल्याची माहिती आहे. या प्रकरणात गायकवाड कुटुंबाची मूळ महार वतन असलेली जमीन आणि त्यासंबंधीच्या व्यवहारातील अनियमिततेवर त्यांनी बोट ठेवले आहे. अंजली दमानिया म्हणाल्या, 'सरकारने जे ₹42,00,00,000 देऊन तो व्यवहार रद्द करण्याबद्दल जी नोटीस काढली आहे, ती चुकीची आहे'. दमानिया यांनी गायकवाड कुटुंबाने दिलेले १९३२ च्या महार वतन सनदेसारखे जुने पुरावे आणि इतर कागदपत्रे बावनकुळे यांच्याकडे सादर केली असून, यावर उद्या होणाऱ्या पत्रकार परिषदेत अधिक खुलासा होण्याची शक्यता आहे. त्यामुळे आता या प्रकरणात कोणते नवे सत्य समोर येणार याकडे सर्वांचे लक्ष लागले आहे.