Parth Pawar Pune Land Scam: पुणे कोरेगाव पार्क जमीन प्रकरणी 8 आरोपींविरोधात गुन्हा दाखल

पुण्यातील मुंडवा येथील वादग्रस्त जमीन व्यवहार प्रकरणात उपमुख्यमंत्री अजित पवार यांचे पुत्र पार्थ पवार यांच्या अडचणी वाढल्या आहेत. या प्रकरणी माजी आमदार रवींद्र धंगेकर यांनी पार्थ पवार यांच्यावर गुन्हा दाखल करण्याची मागणी केली आहे. 'पार्थ पवार चुकलेत आणि चुकीला माफी नसावी,' असे म्हणत धंगेकर यांनी कारवाईची मागणी केली आहे. पुणे पोलीस आयुक्त अमितेश कुमार यांनी दिलेल्या माहितीनुसार, या प्रकरणात तहसीलदार आणि इतर आठ जणांविरुद्ध फसवणूक आणि बनावटगिरीचा गुन्हा दाखल करून तपास आर्थिक गुन्हे शाखेकडे (EOW) वर्ग करण्यात आला आहे. पार्थ पवार यांच्या अमेडिया एंटरप्रायझेस कंपनीने ही ४० एकर जमीन खरेदी केली असून, कंपनीचा पत्ता म्हणून अजित पवार यांचे 'जिजाई' हे शासकीय निवासस्थान दाखवल्याने नवीन वाद निर्माण झाला आहे. वडिलांच्या पदाचा वापर करून अधिकाऱ्यांवर दबाव आणला जात असल्याचा आरोपही धंगेकर यांनी केला आहे.