Pune Black Magic Fraud : 'आरोपी Vedika Pandharpurkar ने 8 कोटींचा बंगला घेतला', 14 कोटींचा गंडा

पुण्यातील आयटी इंजिनिअर दीपक डोळस (Deepak Dolas) यांची तब्बल १४ कोटी रुपयांची फसवणूक झाल्याची धक्कादायक घटना उघडकीस आली आहे, ज्यात मांत्रिक वेदिका पंढरपूरकर (Vedika Pandharpurkar) आणि तिच्या साथीदारांचा समावेश आहे. 'तुमच्या अकाउंटमध्ये तुम्ही पैसे ठेवले तर मुलींचे दोष जाणार नाहीत,' असे सांगून वेदिकाने डोळस यांना त्यांची सर्व संपत्ती विकून पैसे तिच्या खात्यात टाकायला लावले. आजारी मुलींना बरं करण्याच्या बहाण्याने आणि अंगात शंकर महाराज (Shankar Maharaj) संचारत असल्याचा बनाव करून आरोपींनी डोळस कुटुंबाचा विश्वास संपादन केला. या अंधश्रद्धेपोटी डोळस यांनी इंग्लंडमधील घरासह (house in England) त्यांची सर्व मालमत्ता विकली आणि सर्व पैसे आरोपींच्या हवाली केले. एकेकाळी इंग्लंडमध्ये वास्तव्य करणारे डोळस कुटुंब आज या फसवणुकीमुळे पुण्यात भाड्याच्या घरात राहत आहे. याप्रकरणी पुणे पोलिसांच्या आर्थिक गुन्हे शाखेने (Economic Offences Wing) तपास सुरू केला आहे.