Pune Crime : भोंदू मांत्रिक Vedika Pandharpurkar चा 14 कोटींचा गंडा, उच्चशिक्षित कुटुंबाची फसवणूक

पुण्यात (Pune) आयटी इंजिनियर असलेल्या दीपक डोळस (Deepak Dolas) आणि त्यांच्या कुटुंबाची तब्बल १४ कोटी रुपयांची फसवणूक झाल्याची धक्कादायक घटना समोर आली आहे. 'तुमच्या अकाउंटमध्ये तुम्ही पैसे ठेवले तर यांचे जे दोष आहेत हे दोष जाणार नाहीत, म्हणून पैसे वेदिकाच्या अकाउंटमध्ये टाका,' असे सांगून वेदिका पंढरपूरकर (Vedika Pandharpurkar) नावाच्या भोंदू महिला मांत्रिकाने ही फसवणूक केली. अंगात शंकर महाराज संचारत असल्याचा बनाव करून, आजारी मुलींना बरं करण्याच्या नावाखाली तिने डोळस कुटुंबाला त्यांची सर्व संपत्ती विकायला लावली. या अंधश्रद्धेला बळी पडून डोळस कुटुंबाने इंग्लंडमधील घर, पुण्यातील मालमत्ता आणि वडिलोपार्जित जमीन विकून सर्व रक्कम वेदिकाच्या खात्यात जमा केली. या प्रकरणी पीडित कुटुंबाने वकील विजयसिंह ठोंबरे यांच्यामार्फत पोलीस आयुक्त अमितेश कुमार यांच्याकडे तक्रार दाखल केली असून, पोलीस पुढील तपास करत आहेत.