Pune Ganesh Visarjan | वाद मिटला, परंपरेनुसार मिरवणुका होणार!

पुण्यातील गणेश उत्सवाच्या विसर्जन मिरवणुकीचा वाद अखेर संपुष्टात आला आहे. परंपरेनुसार पुण्यामधील विसर्जनाच्या मिरवणुका होणार असल्याचे निश्चित झाले आहे. गणेश मंडळांच्या प्रतिनिधींनी खासदार Murlidhar Mohol यांच्यासोबत Circuit House येथे बैठक घेतली. या बैठकीमध्ये विसर्जन मिरवणुकीच्या वादावर तोडगा काढण्यात आला. सकाळी 9.30 वाजता पुण्यातील गणपती बाप्पाच्या विसर्जनाच्या मिरवणुकीला सुरुवात होईल. या निर्णयामुळे गणेश भक्तांमध्ये समाधान व्यक्त होत आहे. अनेक दिवसांपासून सुरू असलेल्या या वादावर सकारात्मक तोडगा निघाल्याने प्रशासनानेही सुटकेचा निःश्वास टाकला आहे. गणेश मंडळांनी एकत्र येऊन घेतलेल्या या निर्णयाचे सर्वत्र स्वागत होत आहे.