Pratibha Dhanorkar : प्रतिभा धानोरकर आज शक्तिप्रदर्शन करत दुसरा संच दाखल करणार

Pratibha Dhanorkar : प्रतिभा धानोरकर आज शक्तिप्रदर्शन करत दुसरा संच दाखल करणार
महाराष्ट्रातील लोकसभेच्या पहिल्या टप्प्यातील उमेदवारी अर्ज भरण्याचा आज शेवटचा दिवस आहे. नागपूरमधील भाजपचे उमेदवार नितीन गडकरींचा उमेदवारी अर्ज दाखल करताना महायुतीकडून मोठं शक्तिप्रदर्शन केलं जाणार आहे. यामुळे मुख्यमंत्री, उपमुख्यमंत्री यांची उपस्थिती असेल. रामटेक लोकसभा मतदारसंघासाठी महायुतीचे उमेदवार राजू पारवे तर मविआच्या उमेदवार रश्मी बर्वे उमेदवारी अर्ज दाखल करतील. तर भंडारा-गोंदियातील महायुतीचे उमेदवार सुनील मेंढे आणि महाविकास आघाडीचे उमेदवार प्रशांत पडोळे उमेदवारी अर्ज दाखल करणार आहेत. यावेळी महायुती आणि मविआकडून मोठं शक्तिप्रदर्शन केलं जाईल. चंद्रपुरात प्रतिभा धानोरकर आज शक्तिप्रदर्शनासह उमेदवारी अर्ज दाखल करणार आहेत. काल त्यांनी अर्जाचा एक संच गाजावाजा न करता दाखल केला. याशिवाय गडचिरोली-चिमूरमध्ये काँग्रेसचे उमेदवार डॉ. नामदेव किरसान आपला उमेदवारी अर्ज दाखल करतील.