कवी आणि सामाजिक भाष्यकार हेरंब कुलकर्णींकडून गणपतराव देशमुख यांच्या आठवणींना कवितेमार्फत उजाळा

सोलापूर : शेकापचे ज्येष्ठ नेते गणपतराव देशमुख यांचे शुक्रवारी रात्री साडेनऊ वाजता अश्विनी हॉस्पिटल सोलापूर येथे उपचार दरम्यान निधन झाले. वयाच्या 95 व्या वर्षी त्यांनी अखेरचा श्वास घेतला. आज (31 जुलै) दुपारी 3.30 वाजता त्यांच्या पार्थिवावर शेतकरी सहकारी सुतगिरणी सांगोला येथे शासकीय इतमामात अंत्यसंस्कार  झाले.  ज्येष्ठ सुपूत्र पोपटराव  देशमुख, चंद्रकांत देशमुख, नातू डॉ बाबासाहेब आणि अनिकेत देशमुख यांनी गणपतराव देशमुख यांच्या मृतदेहाला भडाग्नी दिला. त्यांच्या पत्नी रतनबाई देशमुख यांना पालकमंत्री  भरणे यांच्या हस्ते तिरंगा ध्वज देण्यात आला.