ऑलिम्पिक खेळाडूंना पंतप्रधानांच्या शुभेच्छा, महाराष्ट्रातील खेळाडूंसोबत मोदींचा मराठीतून संवाद!

टोकियो ऑलिम्पिकसाठी भारताचं प्रतिनिधीत्व करणाऱ्या खेळाडूंशी आज पंतप्रधान मोदींनी संवाद साधला. पंतप्रधानांनी यावेळी सर्व खेळाडूंना दमदार प्रदर्शन करण्यासाठी शुभेच्छा दिल्या. मोदींनी यावेळी दीपिका कुमारी, नीरज चोप्रा, मेरी कोम, पीव्ही सिंधूसह अनेक खेळाडूंशी संवाद साधला. त्यांच्या तयारीविषयी जाणून घेतलं. जपानच्या टोकियो शहरात 23 जुलै ते 8 ऑगस्टदरम्यान यंदाचं ऑलिम्पिक पार पडणार आहे. त्यासाठी 126 खेळाडूंसह एकूण 227 जणांचं भारतीय पथक टोकियोत दाखल झालं आहे.