Phaltan Doctor Case : महिला डॉक्टर मृत्यू प्रकरण, PSI गोपाळ बदने अखेर पोलिसात हजर!

फलटण (Phaltan) येथील महिला डॉक्टर आत्महत्या प्रकरणात (Doctor Suicide Case) मोठी घडामोड समोर आली आहे. या प्रकरणातील मुख्य आरोपी, निलंबित पोलीस उपनिरीक्षक (PSI) गोपाळ बदने (Gopal Badane) पोलिसांना शरण आला आहे. मृत डॉक्टर तरुणीने आत्महत्येपूर्वी आपल्या हातावर लिहिलेल्या सुसाईड नोटमध्ये 'पोलीस निरीक्षक बदने ज्याने माझा पाच वेळा बलात्कार केला' असा गंभीर आरोप केला होता. या आरोपानंतर गोपाळ बदने फरार होता आणि सातारा पोलीस (Satara Police) त्याच्या शोधात होते. पुणे, पंढरपूरसह अनेक ठिकाणी पोलिसांची पथके त्याचा शोध घेत होती, मात्र तो सापडत नव्हता. अखेर, तो स्वतः फलटण शहर पोलीस ठाण्यात हजर झाला, जिथे त्याच्यावर बलात्कारासह आत्महत्येस प्रवृत्त केल्याचा गुन्हा दाखल आहे.