Phaltan Doctor Case फलटण डॉक्टर अत्याचार प्रकरण, दानवेंचा रणजीत नाईक निंबाळकरांच्या भावावर आरोप

फलटणमधील (Phaltan) महिला डॉक्टर आत्महत्या प्रकरणी (Doctor Suicide Case) आता राजकीय वाद पेटला आहे. शिवसेनेचे (ठाकरे गट) नेते अंबादास दानवे (Ambadas Danve) यांनी भाजपचे खासदार रणजितसिंह नाईक-निंबाळकर (Ranjitsinh Naik-Nimbalkar) यांच्या कुटुंबीयांवर गंभीर आरोप केले आहेत. 'तो माजी खासदारांचा भाऊ अभिजित राजे निंबाळकर तहसीलमध्ये, एसडीएम प्रांताकडे, पोलिस स्टेशनला सातत्यानं आपले राजकीय दबाव आणत असतात,' असा थेट आरोप दानवेंनी केला आहे. या प्रकरणामुळे संपूर्ण महाराष्ट्रात संतापाची लाट उसळली असून, पोलीस प्रशासनाच्या भूमिकेवर प्रश्नचिन्ह निर्माण झाले आहे. राज्याचे गृहमंत्री देवेंद्र फडणवीस (Devendra Fadnavis) असताना पोलीस राजकीय दबावाखाली कसे काम करू शकतात, असा सवालही दानवे यांनी उपस्थित केला. या प्रकरणात खासदारांच्या पीएचा दबाव असल्याचा उल्लेख सुसाईड नोटमध्ये असल्याचं समोर आल्याने, या प्रकरणाला आता वेगळेच वळण लागले आहे.