Group Clash: परभणीत फटाके वाजवल्याचा वाद पेटला, दोन गटात तुंबळ हाणामारी, 9 जण जखमी

परभणी (Parbhani) जिल्ह्यातील जिंतूर (Jintur) तालुक्यातील रोहिल्ला गावात फटाके वाजवण्यावरून दोन गटांमध्ये मोठा वाद झाला. 'फटाके वाजवण्यावरुन सुरू झालेल्या वादाचं हाणामारीत रुपांतर झालं आणि यात नऊ जण जखमी झाले आहेत', अशी माहिती समोर आली आहे. या घटनेमुळे गावात तणावाचे वातावरण निर्माण झाले आहे. किरकोळ कारणावरून सुरू झालेल्या वादाचे पर्यवसान तुंबळ हाणामारीत झाले. या प्रकरणी पोलिसांनी तातडीने कारवाई करत परिस्थिती नियंत्रणात आणली. जखमींना उपचारासाठी रुग्णालयात दाखल करण्यात आले आहे. पोलिसांनी याप्रकरणी वीस जणांविरोधात गुन्हा दाखल केला असून अधिक तपास सुरू आहे.