Diwali 2021 : दिवाळीच्या तोंडावर गोंदियात भेसळखोरांचा पर्दाफाश, अन्न आणि औषध प्रशासनाची कारवाई

दिवाळीच्या तोंडावर भेसळखोरांचा सुळसुळाट पाहायला मिळतो. त्यामुळे तुम्ही वापरत असलेल्या खाद्यतेलात भेसळ तर नाही ना याची खातरजमा करुन घ्या कारण दिवाळीच्या तोंडावर गोंदियामध्ये भेसळखोरांचा पर्दाफाश करण्यात आला आहे. वापरलेल्या टीनमध्ये तेल भरुन पॅकिंग करणाऱ्यांवर अन्न आणि औषध प्रशासनाने कारवाई केली असून गुरुनानक तेल भंडार इथं अशाप्रकारे भेसळ होत असल्याची माहिती अन्न आणि औषध प्रशासनाला मिळाली होती. त्यानुसार या ठिकाणी छापेमारी करुन 80 तेलाचे टीन असा एकूण 1 लाख 61 हजार रुपयांचा मुद्देमाल जप्त करण्यात आला आहे.