Morning Prime Time News : मॉर्निंब प्राइम टाइम न्यूज : 9 Oct 2025

मुंबईत आज ओबीसी समाजाचे मोठे आंदोलन सुरू आहे. ओबीसी आरक्षण टिकवण्यासाठी रायगडसह कोकणातून हजारो कुणबी समाज बांधव मुंबईत दाखल झाले आहेत. आंदोलकांची प्रमुख मागणी आहे की, "ओबीसी कोट्यात कोणालाही आरक्षण देऊ नये आणि कुणबी समाजाला ओबीसी प्रमाणपत्र न देता आमचं आरक्षण अबाधित ठेवावं." महाराष्ट्र शासनाने मराठा समाजाच्या आरक्षणासाठी काढलेला जीआर मागे घेण्याची मागणीही आंदोलकांनी केली आहे. मराठा समाजाला वेगळ्या पद्धतीने आरक्षण द्यावे, पण ओबीसी समाजात घुसखोरी नको, असे आंदोलकांचे म्हणणे आहे. दरम्यान, सामाजिक न्याय विभागाचा ४१०.३० कोटी रुपयांचा निधी सप्टेंबर महिन्याचा हप्ता देण्यासाठी वळवण्यात आला आहे. हा निधी अनुसूचित जाती आणि नवबौद्ध प्रवर्गातील लाभार्थ्यांसाठी वापरला जाईल. संजय गांधी निराधार योजना आणि श्रावणबाळ सेवा योजनेच्या लाभार्थ्यांना लाडकी बहीण योजनेचा हप्ता मिळणार नाही. एमआयएमचे अध्यक्ष असदुद्दीन ओवेसी यांची आज नगर शहरात सभा होणार आहे. ही सभा पूर्वी ३० सप्टेंबरला तणावामुळे स्थगित करण्यात आली होती. हिंगोली जिल्ह्यातील शेतकऱ्यांच्या खात्यात जुलै आणि ऑगस्ट महिन्यातील नुकसानीसाठी जाहीर केलेली ८,५०० रुपयांची मदत जमा होऊ लागली आहे, परंतु शेतकरी ही मदत अपुरी असल्याचे सांगत आहेत. पंतप्रधान नरेंद्र मोदींनी मुंबईवरील हल्ल्यासंदर्भात केलेल्या आरोपांवर पी. चिदंबरम यांनी प्रतिक्रिया दिली आहे.