NCP vs NCP: 'चुकीला माफी नाही', Rupali Thombre यांचा Rupali Chakankar यांच्या राजीनाम्यासाठी एल्गार

राष्ट्रवादी काँग्रेसमध्ये (NCP) रुपाली चाकणकर (Rupali Chakankar) आणि रुपाली ठोंबरे (Rupali Thombre) यांच्यातील वाद आता विकोपाला गेला आहे. 'ज्या अध्यक्षा चुकलेल्या आहेत, चुकीला माफी नाही, त्यांनी राजीनामा दिला पाहिजे', अशी थेट मागणी रुपाली ठोंबरे यांनी केली आहे. फलटण येथील एका महिला डॉक्टरच्या आत्महत्या प्रकरणी राज्य महिला आयोगाच्या अध्यक्षा रुपाली चाकणकर यांनी केलेल्या एका विधानामुळे हा वाद निर्माण झाला आहे. चाकणकर यांनी मृत डॉक्टरच्या चारित्र्यावर प्रश्नचिन्ह उपस्थित केल्याचा आरोप होत आहे, ज्यामुळे त्यांच्या राजीनाम्याची मागणी जोर धरत आहे. रुपाली ठोंबरे यांनी इतर पक्षांच्या नेत्यांसोबत पुण्यात चाकणकर यांच्या विरोधात आंदोलन केले. दुसरीकडे, रुपाली चाकणकर यांनी आपल्यावरील आरोपांवर येत्या दोन-तीन दिवसांत सविस्तर भूमिका मांडणार असल्याचे स्पष्ट केले आहे.