NCP Rift | अजित पवार-Bhujbal नाराजी नाट्य, Maratha आरक्षणावरून पक्षाला किंमत!

राष्ट्रवादी काँग्रेसच्या आमदारांच्या धुळ्यातील हॉटेल ट्रायडेंट येथील बैठकीत अजित पवार आणि छगन भुजबळ यांच्यात नाराजी नाट्य घडले. अजित पवार यांनी भुजबळ यांच्यासमोरच नाराजी व्यक्त केली. 'काही नेते विशिष्ट जातींवर टोकाची भूमिका घेतात, त्यांचं मत हे पक्षाची प्रतिमा डागाळतं. त्यामुळे पक्षाला किंमत मोजावी लागते,' असे अजित पवार म्हणाले. मराठा आरक्षणाबाबत भुजबळ यांनी मांडलेल्या भूमिकेवरून अजित पवार यांनी हे वक्तव्य केले. या बैठकीला भुजबळ उपस्थित होते. स्थानिक स्वराज्य संस्था निवडणुकीमध्ये प्रत्येक जिल्ह्यात स्थिती वेगळी असल्याने युतीचा निर्णय स्थानिक स्तरावर घेण्याचे अजित पवार यांनी सांगितले. स्थानिक स्वराज्य संस्था निवडणुकीबाबत पुढील आठवड्यात जिल्हाध्यक्षांची बैठक घेऊन अधिक चर्चा केली जाईल असेही त्यांनी स्पष्ट केले. राष्ट्रवादीच्या आमदारांची काल मुंबईत बैठक झाली. राज्याची आर्थिक स्थिती सध्या भक्कम नाही. शेतकऱ्यांना दिलासा देण्यासाठी पॅकेज दिले असून, त्यावर विरोधकांनी आरोप केले असले तरी सरकार काम करत आहे हे जनतेला सांगावे, असेही अजित पवार यांनी नमूद केले.