Nashik Politics Crime : नाशिकमध्ये गोळीबार, माजी नगरसेवकाच्या मुलावर गुन्हा दाखल

नाशिकच्या सातपूर परिसरात मध्यरात्री झालेल्या गोळीबार प्रकरणी माजी नगरसेवकाचा मुलगा भूषण लोंढे याच्यासह बारा ते तेरा जणांवर गुन्हा दाखल करण्यात आला आहे. काल मध्यरात्री अडीच वाजता नाशिकमधील एका बारमध्ये वरुण तिवारी याच्यावर गोळीबार करण्यात आला होता. या प्रकरणी भूषण लोंढे आणि त्याच्या साथीदारांविरुद्ध खंडणी मागितल्याप्रकरणी आणि जिवे ठार मारण्याचा प्रयत्न केल्याप्रकरणी गुन्हा दाखल करण्यात आला आहे. पोलिस उपायुक्त किशोर काळे यांनी दिलेल्या माहितीनुसार, "खंडणी मागत गोळीबार करत जिवे ठार मारण्याचा प्रयत्न केल्याप्रकरणी गुन्हा दाखल करण्यात आला आहे." ज्ञानेश्वर बळांगीर यांनी दिलेल्या फिर्यादीवरून भूषणप्रकाश लोंढे आणि त्याच्या इतर आठ ज्ञात व चार ते पाच अज्ञात साथीदारांविरुद्ध सातपूर पोलिस ठाण्यात जिवे ठार मारण्याचा प्रयत्न करणे, तसेच खंडणी घेणे अशा विविध कलमान्वये गुन्हा दाखल करण्यात आला आहे. या प्रकरणी तीन जणांना ताब्यात घेण्यात आले आहे.