Nashik Crime | नाशिकच्या देवळालीत मद्यधुंद तरुणांचा धिंगाणा, कोयत्याची दहशत दाखवत लूट

नाशिकमधील देवळाली येथे मद्यधुंद तरुणांकडून कोयत्याचा वापर करून दहशत निर्माण करण्याचा प्रयत्न करण्यात आला. भर रस्त्यात कोयत्याची दहशत दाखवून तरुणांनी नागरिकांची लूट केल्याचा व्हिडिओ सोशल मीडियावर व्हायरल होत आहे. या घटनेमुळे देवळाली परिसरात भीतीचे वातावरण निर्माण झाले होते. नागरिकांमध्ये या प्रकारामुळे संताप व्यक्त होत होता. दरम्यान, देवळाली पोलिसांनी या घटनेची गंभीर दखल घेतली आहे. पोलिसांनी तात्काळ कारवाई करत या प्रकरणी तिघा तरुणांवर गुन्हा दाखल केला आहे. या घटनेचा तपास पोलीस करत आहेत. अशा प्रकारच्या घटनांमुळे सार्वजनिक शांतता आणि सुव्यवस्थेला धोका निर्माण होतो. पोलिसांनी केलेल्या या कारवाईमुळे अशा प्रवृत्तींना आळा बसेल अशी अपेक्षा व्यक्त केली जात आहे.