Nanded Deglur Biloli By Election Result : देगलूर पोटनिवडणुकीत काँग्रेसचे Jitesh Antapurkar आघाडीवर

Nanded Deglur Biloli By Election Results :  भाजप आणि महाविकास आघाडीने प्रतिष्ठेची केलेली देगलूर पोटनिवडणुकीची मतमोजणी सुरू झाली आहे. मतमोजणीच्या सहाव्या फेरीअखेर काँग्रेसचे जितेश अंतापूरकर यांनी आघाडी घेतली आहे. तर, भाजप उमेदवार सुभाष साबणे हे पिछाडीवर आहे. मतमोजणीच्या सहाव्या फेरीअखेर अंतापूरकर यांनी 7768 मतांनी आघाडी घेतली आहे. 

पोटनिवडणुकीची मतमोजणी 30 फेऱ्यापर्यंत पार पडणार आहे. एकूण 12 उमेदवार या निवडणुकीत उभे होते. शनिवारी देगलूर बिलोली विधानसभा पोटनिवडणुकीसाठी मतदान झाले होते. जवळपास 64 टक्के मतदारांनी आपला मतदानाचा हक्क बजावला. काँग्रेसचे आमदार रावसाहेब अंतापूरकर यांच्या निधनामुळे ही पोटनिवडणूक घेण्यात आली होती.