Mega Morcha: 'असा मोर्चा होईल की भूतोन भविष्यती...'; Raj Thackeray यांचा कार्यकर्त्यांना आदेश

मुंबईत १ नोव्हेंबर रोजी महाविकास आघाडी (MVA) आणि मनसे (MNS) मिळून सरकारच्या आणि निवडणूक आयोगाच्या विरोधात 'सत्याचा मोर्चा' काढणार आहेत. 'आणि भूतोन भविष्यती असा मोर्चा होईल अशा पद्धतीचं नियोजन करा,' अशा शब्दात मनसे अध्यक्ष राज ठाकरे (Raj Thackeray) यांनी पदाधिकाऱ्यांना तयारीला लागण्याचे आदेश दिले आहेत. या मोर्चाला 'सत्याचा मोर्चा' असे नाव देण्यात आले असून, दुपारी १ वाजता मरीन लाईन्स येथील हिंदू जिमखानापासून मोर्चाला सुरुवात होईल. हा मोर्चा फॅशन स्ट्रीट, मेट्रो सिनेमा मार्गे मुंबई महापालिकेपर्यंत पोहोचेल, जिथे नेते उपस्थितांना संबोधित करतील. या मोर्चाच्या माध्यमातून मतदार यादीतील गोंधळ आणि प्रशासनाच्या कारभारावर विरोधक आवाज उठवणार आहेत.