Diwali Crackers Guidelines: 'रात्री 10 नंतर फटाके वाजवल्यास कारवाई', Mumbai पोलिसांचा इशारा

दिवाळी (Diwali) सणाच्या पार्श्वभूमीवर मुंबई पोलिसांनी (Mumbai Police) फटाके वाजवण्यासाठी कडक नियमावली जाहीर केली आहे. 'दिवाळीमध्ये रात्री दहा वाजेपर्यंतच फटाके वाजवता येणार आहेत, नियम मोडल्यास कठोर कारवाईला सामोरे जावे लागेल,' असा स्पष्ट इशारा पोलिसांनी दिला आहे. या नियमांनुसार, फटाके वाजवताना आवाजाची मर्यादा (Decibel Limit) पाळणे बंधनकारक असून, नियमांचे उल्लंघन करणाऱ्यांवर पोलिस नजर ठेवणार आहेत. सर्वोच्च न्यायालयाच्या (Supreme Court) आदेशानुसार, रात्री १० ते सकाळी ६ या वेळेत फटाके वाजवण्यास बंदी घालण्यात आली आहे. फटाक्यांमधून होणारे ध्वनी आणि वायू प्रदूषण रोखण्यासाठी हा निर्णय घेण्यात आला आहे. मुंबईत रस्त्यांवर फटाक्यांच्या अनधिकृत विक्रीवरही बंदी घालण्यात आली असून, १५ ते २५ ऑक्टोबरदरम्यान विशेष मोहीम राबवून कारवाई केली जाणार असल्याचे प्रशासनाने स्पष्ट केले आहे.