BMC Ward Delimitation | Mumbai महापालिकेच्या 227 प्रभागांना अंतिम मंजुरी, निवडणूक प्रक्रिया पूर्ण

न्यायालयाने राज्य सरकारला एकतीस जानेवारीपूर्वी राज्यातील सर्व महानगरपालिका, नगरपालिका आणि जिल्हा परिषदेच्या निवडणुका पूर्ण करण्याचे निर्देश दिले होते. यानंतर स्थानिक स्वराज्य संस्थांच्या प्रभाग रचना अंतिम करण्याच्या हालचाली सुरू झाल्या. यामध्ये मुंबई महानगरपालिकेच्या निवडणुकीकडे सर्वांचे लक्ष लागले होते. ही निवडणूक लक्षवेधी ठरणार असल्याने, मुंबई महापालिकेच्या सर्व दोनशे सत्तावीस प्रभाग रचनेस राज्य निवडणूक आयोगाकडून मंजुरी मिळाली आहे. मुंबई महापालिकेची अंतिम प्रभाग रचना शासन राजपत्र आणि मुंबई महापालिकेच्या संकेतस्थळावर प्रसिद्ध करण्यात आली आहे. मुंबई महापालिकेकडून प्रारूप प्रभाग रचना प्रसिद्ध झाल्यानंतर चारशे चौऱ्याण्णव हरकती आणि सूचना प्राप्त झाल्या होत्या. या सर्वांचा विचार करून नगरविकास विभागाने राज्य निवडणूक आयोगाकडे प्रारूप प्रभाग रचना पाठवली होती. त्यानंतर राज्य निवडणूक आयोगाने मुंबई महापालिकेच्या सर्व दोनशे सत्तावीस प्रभागांची प्रभाग रचना अंतिम करून त्याचा संपूर्ण आराखडा आज प्रसिद्ध केला आहे.