Mumbai Hostage Case : 'जास्त बोलाल तर काहीतरी करेन', ओलीस धरलेल्यांपैकी मुलीने सांगितला थरार

मुंबईतील पवई (Powai) येथील एका स्टुडिओमध्ये रोहित आर्या (Rohit Arya) नावाच्या व्यक्तीने 17 मुलांना ओलीस ठेवल्याची धक्कादायक घटना घडली. ही मुले एका वेब सीरिजच्या ऑडिशनसाठी (Web Series Audition) आली होती. 'जास्त बोलला की काहीतरी करणार', अशी धमकी ओलीस ठेवलेल्या एका मुलीने सांगितली. गन दाखवून मुलांना धमकावण्यात आले आणि एका खोलीत बंद केले, असा खुलासा पीडित मुलीने केला. सुरुवातीला, 'सीन सुरू आहे' असे सांगून आरोपीने मुलांना शांत ठेवण्याचा प्रयत्न केला, पण नंतर पालकांच्या रडण्याचा आवाज आल्यावर मुलांना सत्य परिस्थिती समजली. पोलिसांनी घटनास्थळी धाव घेऊन बाथरूमच्या खिडकीतून आत प्रवेश केला आणि सर्व मुलांची सुखरूप सुटका केली. या कारवाईदरम्यान पोलिसांच्या गोळीबारात आरोपी रोहित आर्या जखमी झाला आणि नंतर रुग्णालयात त्याचा मृत्यू झाला. घटनास्थळावरून एक एअरगन आणि काही रसायने जप्त करण्यात आली आहेत.