Local Body Polls: नाशिकमध्ये मोठा राजकीय ट्विस्ट! MNS-महाविकास आघाडीची एकत्र पत्रकार परिषद

नाशिकमध्ये (Nashik) महाराष्ट्र नवनिर्माण सेना (MNS) आणि महाविकास आघाडी (MVA) यांच्यात स्थानिक पातळीवर युतीचे संकेत मिळत आहेत, ज्यामुळे राज्याच्या राजकारणात खळबळ उडाली आहे. 'विजय तुमचा होणार असेल तर तुम्ही तुमच्या पातळीवर मनसेसोबत जा किंवा जो निर्णय घ्यायचा तो घ्या,' असे आदेश काँग्रेसच्या (Congress) वरिष्ठ पदाधिकाऱ्यांनी स्थानिक नेत्यांना दिले आहेत. आजपासून, म्हणजेच १० नोव्हेंबरपासून, राज्यात नगरपरिषद आणि नगरपंचायत निवडणुकांसाठी उमेदवारी अर्ज भरण्यास सुरुवात झाली आहे. नाशिकमध्ये मनसेचा पूर्वीपासूनच प्रभाव राहिला असून, आता आगामी निवडणुकांच्या पार्श्वभूमीवर काँग्रेससह महाविकास आघाडीचे स्थानिक नेते मनसेसोबत पत्रकार परिषद घेत असल्याने नव्या राजकीय समीकरणांची चर्चा सुरू झाली आहे.