Janshatabdi Missing Coach | जनशताब्दी एक्सप्रेसमधून एका डब्याशिवाय धावली, प्रवाशांची गैरसोय

मध्य रेल्वेच्या मुंबई-मडगाव मार्गावर धावणाऱ्या जनशताब्दी एक्सप्रेसमध्ये काल एक गंभीर प्रकार घडला. या एक्सप्रेसला D1 हा डबा जोडलाच नव्हता, ज्यामध्ये 24 प्रवाशांचे आरक्षण होते. प्रवाशांनी आपला डबा नसल्याचे लक्षात येताच तातडीने तिकीट तपासणीसाकडे तक्रार केली. मुंबई-कोकण मार्गावरील रेल्वे प्रवाशांना अपुऱ्या रेल्वेगाड्यांमुळे आधीच गैरसोयीचा सामना करावा लागत असताना, आता तांत्रिक अडचणींमुळे थेट डबाच जोडला नसल्याचे समोर आले. या घटनेमुळे आरक्षण असलेल्या 24 प्रवाशांना जनशताब्दी एक्सप्रेसमधून प्रवास करता आला नाही. अक्षय भाटकर यांनी दिलेल्या माहितीनुसार, एकदा ट्रेन सुटल्यानंतर डबा जोडता येत नाही. मध्य रेल्वेने येतानाच्या गाडीमध्ये एक डबा जोडला असला तरी, मुंबई-मडगाव मार्गावरील प्रवाशांना मोठ्या प्रमाणावर गैरसोय झाली.