Sambhajinagar : संभाजीनगरमध्ये गतिमंद विद्यार्थ्यांना अमानुष मारहाण, व्हिडिओ व्हायरल

छत्रपती संभाजीनगरमधील (Chhatrapati Sambhajinagar) माणकी गावातील कालिफनाथ गतिमंद निवासी विद्यालयात विद्यार्थ्यांना झालेल्या अमानुष मारहाणीचा व्हिडिओ समोर आला आहे, या प्रकरणी मंत्री अतुल सावे (Atul Save) यांनी चौकशीचे आदेश दिले आहेत. 'भाजपाचा संस्थाचालक असेल तरीही कारवाई करु,' असे स्पष्ट वक्तव्य मंत्री अतुल सावे यांनी केले आहे. समोर आलेल्या व्हिडिओमध्ये केअरटेकर प्रदीप देहाडे आणि शिपाई दीपक इंगळे हे गतिमंद मुलांना मारहाण करत असल्याचे दिसत आहे. या गंभीर प्रकरणाची दखल घेतल्यानंतर, शाळेची मान्यता रद्द करण्याबरोबरच गरज पडल्यास गुन्हेगारी स्वरूपाचा खटला दाखल केला जाईल असेही सावे यांनी सांगितले. संस्थाचालक कोणत्याही पक्षाचा असला तरी त्याची गय केली जाणार नाही, असे आश्वासन त्यांनी दिले आहे.