Meenatai Thackeray Statue : मीनाताई ठाकरेंच्या पुतळ्यावर रंग टाकणारा ठाकरेंचाच कार्यकर्ता

मीनाताई ठाकरे यांच्या पुतळ्यावर रंग टाकल्याप्रकरणी उपेंद्र गुणाजी पावसकर नावाच्या व्यक्तीला अटक करण्यात आली आहे. सूत्रांनी दिलेल्या माहितीनुसार, आरोपीने गुन्ह्याची कबुली दिली आहे. चौकशीदरम्यान त्याने एक मोठा खुलासा केला असून, "संपत्तीच्या वादात उद्धव ठाकरे आणि आदित्य ठाकरे हस्तक्षेप करतायत," असा गंभीर आरोप केला आहे. आरोपी उपेंद्र पावसकर हा ठाकरेंच्या एका कार्यकर्त्याचा चुलतभाऊ असल्याची माहिती समोर आली आहे. यापूर्वी त्याने श्रीधर पावसकर आणि आदित्य ठाकरे यांच्याविरोधात दादर पोलीस ठाण्यात तक्रार देण्याचा प्रयत्न केला होता, असेही पोलीस सूत्रांनी सांगितले. या प्रकरणी पोलीस आरोपीच्या जबाबाची नोंद करून अधिक तपास करत आहेत.