MCA Elections: हायकोर्टात पोचला MCA निवडणुकीचा वाद, उमेदवार यादी जाहीर करण्यास तात्पुरती मनाई.

मुंबई क्रिकेट असोसिएशन (MCA) च्या त्रैवार्षिक निवडणुकीचा वाद मुंबई हायकोर्टात (Mumbai High Court) पोहोचला असून, पुढील सुनावणीनंतरच निवडणुकीचे भवितव्य ठरणार आहे. एमसीएचे माजी कार्यकारिणी सदस्य श्रीपाद हळबे यांनी 'निवडणुकीत घटनेचे उल्लंघन होत असल्याचा आणि नियमबाह्यपणे १५५ हून अधिक क्लबना मतदार यादीत समाविष्ट केल्याचा' आरोप करत निवडणूक प्रक्रियेला आव्हान दिले आहे. या प्रकरणी सुनावणी करताना, उच्च न्यायालयाने निवडणूक अधिकाऱ्यांना उमेदवारांची यादी जाहीर करण्यास तात्पुरती मनाई केली आहे. याचिकाकर्त्यांनी दाखल केलेल्या हरकतींवर निवडणूक अधिकाऱ्यांनी कोणताही कारणमीमांसा आदेश दिला नसल्याचे कोर्टाच्या निदर्शनास आले, ज्यामुळे हा वाद अधिकच वाढला आहे. आता या प्रकरणावरील पुढील सुनावणीकडे संपूर्ण क्रिकेट वर्तुळाचे लक्ष लागले आहे.