Gangadhar Kalkute : बीड तुझ्या बापाची जहांगिरी आहे का?; Laxman Hake यांची काळकुटेंवर जळजळीत टीका

बीड (Beed) जिल्हा मराठा (Maratha) आणि ओबीसी (OBC) आरक्षणाच्या वादामुळे पुन्हा एकदा पेटला आहे. मराठा समन्वयक गंगाधर काळकुटे (Gangadhar Kalkute) यांनी १९९४ चा जीआर जाळल्यानंतर मंत्री छगन भुजबळ (Chhagan Bhujbal) आणि लक्ष्मण हाके (Laxman Hake) यांनी ओबीसी महाएल्गार सभेतून जोरदार प्रत्युत्तर दिले आहे. 'उडवाच मान माझी माझा नकार नाही, इतकीच शर्त आहे मी वाकणार नाही', अशा शब्दात छगन भुजबळ यांनी आव्हान देणाऱ्यांना सुनावले आहे. काळकुटे यांनी भुजबळांनी मंत्रीपदाचा राजीनामा देऊनच बीडमध्ये यावे असे आव्हान दिले होते, ज्यावर भुजबळ यांनी, 'बीड जिल्हा काय यांच्या बापाची जागीर आहे का?' असा संतप्त सवाल केला. ही केवळ राजकीय लढाई नसून सामाजिक न्यायाची लढाई आहे आणि ती रस्त्यावर तसेच कोर्टातही लढली जाईल, असे दोन्ही नेत्यांनी स्पष्ट केले आहे.