Maratha OBC Reservation | मराठा-ओबीसी आरक्षणाच्या मुद्द्यावरुन आज मंत्रालयात महत्त्वाच्या बैठका

मराठा आणि ओबीसी आरक्षणासंदर्भात आज मंत्रालयात दोन महत्त्वाच्या बैठका आयोजित करण्यात आल्या आहेत. सकाळी अकरा वाजता या दोन्ही बैठका पार पडणार आहेत. एकीकडे ओबीसी उपसमितीची पहिली बैठक आज होणार आहे. तर दुसरीकडे मराठा आरक्षणासंदर्भात काम करत असलेल्या शिंदे समितीच्या अहवालाबाबत आढावा बैठक घेतली जाईल. मराठा उपसमितीचे अध्यक्ष राधाकृष्ण विखे पाटील हे शिंदे समितीच्या कामकाजाचा आढावा घेणार आहेत. दोन्ही आरक्षणासंदर्भात सरकार भूमिका घेत आहे. त्यामुळे कोणत्या समाजाचं समाधान होतंय हे बघणं महत्त्वाचं असेल. या बैठकांमध्ये नेमकी काय चर्चा होते आणि सरकार कोणत्या निर्णयापर्यंत पोहोचते, याकडे सर्वांचे लक्ष लागले आहे. आरक्षणाच्या या संवेदनशील मुद्द्यावर सरकार तोडगा काढण्याचा प्रयत्न करत आहे. या बैठकांमधून काही ठोस निर्णय अपेक्षित आहेत.