Manoj jarange VS Dhananjay Munde :जरांगे-मुंडे यांच्यात 'सुपारी'वरून घमासान, एकमेकांना नार्को टेस्टचे आव्हान

बीड जिल्ह्यातील राजकीय वातावरण मनोज जरांगे (Manoj Jarange) आणि धनंजय मुंडे (Dhananjay Munde) यांच्यातील आरोप-प्रत्यारोपांमुळे तापले आहे. 'माजी मंत्री धनंजय मुंडे यांनी आपल्या हत्येची तब्बल अडीच कोटी रुपयांची सुपारी दिल्याचा' गंभीर आरोप जरांगेंनी पत्रकार परिषदेत केला. पुरावा म्हणून त्यांनी एक कथित ऑडिओ क्लिपदेखील सादर केली. या आरोपांना प्रत्युत्तर देताना, धनंजय मुंडे यांनी हे सर्व आरोप फेटाळून लावले आणि जरांगेच आपल्याला या पृथ्वीवरून संपवू पाहत आहेत, असा पलटवार केला. दोघांनीही एकमेकांना नार्को टेस्टचे आव्हान दिले असून, धनंजय मुंडे यांनी या संपूर्ण प्रकरणाची सीबीआय (CBI) चौकशी करण्याची मागणी मुख्यमंत्र्यांकडे केली आहे. या वादामुळे मराठा आणि वंजारी आरक्षणाच्या मुद्द्याला आता एक वेगळेच वळण लागले आहे.