Protest For Mango : कोकणातील आंबा उत्पादक शेतकरी चिंतेत, उद्या आझाद मैदानावर उत्पादक आंदोलन करणार

आंबा बागायतदारांना संपूर्ण कर्जमाफी देण्यात यावी या मागणीसाठी उद्या आझाद मैदानावर आंदोलन करण्यात येणार आहे. कोकणातील हजार ते बाराशे शेतकरी राज्य सरकारचं लक्ष वेधण्यासाठी आझाद मैदानात दाखल होणार आहेत. आंबा बागायतदारांना जोपर्यंत न्याय मिळत नाही तोपर्यंत घरांवर काळे झेंडे लावत सरकारचा निषेध करणार असल्याचंही सांगण्यात आलं आहे. मागील पाच ते सहा वर्षांपासून कोकणातील हवामान बदलाचा आंबा उत्पादक शेतकऱ्यांना फटका बसतोय. यामुळे आंबा उत्पादक अडचणीत सापडले आहेत.