Mahayuti Rift: Nagpur मध्ये BJP ला धक्का? शिवसेना-मित्रपक्षांची वेगळी बैठक, 15 तारखेचा अल्टिमेटम

नागपूरमध्ये आगामी स्थानिक स्वराज्य संस्थांच्या निवडणुकीवरून महायुतीमध्ये तणाव निर्माण झाला आहे. शिवसेनेच्या पुढाकाराने भाजपला वगळून राष्ट्रवादी काँग्रेस (अजित पवार गट), रिपब्लिकन पार्टी ऑफ इंडिया (आठवले गट), बहुजन रिपब्लिकन एकता मंच आणि पीपल्स रिपब्लिकन पार्टीच्या नेत्यांची एक बैठक पार पडली. नागपूर जिल्ह्यातील १५ नगरपरिषदा आणि १२ नगरपंचायतींच्या निवडणुकीसाठी भाजपने १४ तारखेपर्यंत जागावाटपावर भूमिका स्पष्ट करावी, असा इशारा या पक्षांनी दिला आहे. शिवसेनेच्या नेत्यांनी एक गंभीर राजकीय संकेत देत म्हटले आहे की, 'चौदा तारखेपर्यंत भाजपनं स्थिती स्पष्ट करावी अन्यथा महायुतीच्या स्वरूपामध्ये आम्ही भाजप वगळून तयारी करू'. सर्व २७ ठिकाणी उमेदवार आणि त्यांचे 'बी फॉर्म' तयार असल्याचा दावाही शिवसेनेने केला आहे.