Voter List Row : 'काँग्रेसला मानणाऱ्या मतदारांची नावं डबल', महायुतीतील आमदार Sanjay Gaikwad यांचा घरचा आहेर

मतचोरी, दुबार मतदार आणि बोगस मतदारांवरुन (Voter Theft, Duplicate & Bogus Voters) विरोधकांनी सरकार आणि निवडणूक आयोगाला घेरले असताना, आता महायुतीमधील (Mahayuti) शिवसेनेचे आमदार संजय गायकवाड (Sanjay Gaikwad) यांनीच सरकारला घरचा आहेर दिला आहे. 'विरोधी पक्षांनी जी मागणी केलेली आहे, ही जी नावं आहेत ही नावं वीस वर्षांपासूनची आहेत आणि काँग्रेस पक्षाला मानणाऱ्या मतदारांचीच नावं डबल आहेत,' असा थेट आरोप गायकवाड यांनी केला आहे. बुलढाण्याचे (Buldhana) आमदार असलेल्या गायकवाड यांनी दावा केला आहे की, मतदार याद्यांमध्ये मोठ्या प्रमाणावर दुहेरी नावे असून हा प्रकार गेल्या वीस वर्षांपासून सुरू आहे. एकाच कुटुंबाचे नाव अनेक ठिकाणी असण्यासोबतच एका माजी नगराध्यक्षाचे नाव चार ठिकाणी असल्याचा दावाही त्यांनी केला. स्थानिक स्वराज्य संस्थांच्या निवडणुका जिंकण्यासाठी मागच्या काळात हे प्रकार झाल्याचा आरोपही त्यांनी केला. हे जे उघड दिसत आहे, ते तात्काळ थांबवले पाहिजे, अशी मागणीही त्यांनी केली आहे.