Maharashtra Election :दुबार मतदारांना मतदान केंद्रावर हमीपत्र बंधनकारक

स्थानिक स्वराज्य संस्थांच्या निवडणुकांसंदर्भात (Local Body Elections) मतदार याद्यांमधील (Voter Lists) दुबार नावांच्या मुद्द्यावर राज्य निवडणूक आयोगाने (State Election Commission) महत्त्वपूर्ण निर्देश जारी केले आहेत. ज्या मतदारांच्या नावासमोर 'डबल स्टार' (Double Star) असेल, त्यांना मतदान केंद्रावर 'या मतदान केंद्राव्यतिरिक्त इतर ठिकाणी मतदान केले नाही आणि करणार नाही,' असे हमीपत्र (Declaration) लिहून द्यावे लागेल. आयोगाच्या अधिकाऱ्यांकडून अशा मतदारांशी संपर्क साधून त्यांच्याकडून मतदानासाठी एकच केंद्र निश्चित केले जाईल आणि त्यांचे नाव, पत्ता व छायाचित्र यासारख्या तपशिलांची पडताळणी केली जाईल. जर मतदाराने प्रतिसाद दिला नाही, तर त्याचे नाव सर्व संबंधित मतदान केंद्रांच्या यादीत 'डबल स्टार' म्हणून कायम राहील आणि मतदानाच्या वेळी त्याला ओळख पटवून आणि हमीपत्र सादर करूनच मतदानाचा हक्क बजावता येईल.