Maharashtra Politics: 'कार्यकर्तेच म्हणतायत सत्ताधारी पक्षात जा', Dilip Mane भाजपच्या वाटेवर?

सोलापूरच्या राजकारणात मोठी उलथापालथ होण्याची शक्यता असून, काँग्रेसचे माजी आमदार दिलीप माने (Dilip Mane) यांनी उपमुख्यमंत्री देवेंद्र फडणवीस (Devendra Fadnavis) यांची भेट घेतली आहे. 'महानगरपालिकेत विकासासाठी सत्ताधारी पक्षात जा असं मला अनेक कार्यकर्ते सांगत होते', असं धक्कादायक विधान दिलीप माने यांनी केलं आहे. मुख्यमंत्र्यांच्या माध्यमातून जिल्ह्यात आणि मतदारसंघात कामं होत असल्यामुळे फडणवीस, जयकुमार गोरे (Jaykumar Gore) आणि सचिन कल्याण शेट्टी (Sachin Kalyan Shetty) यांची भूमिका रास्त वाटल्याचंही माने म्हणाले. 'माझं सहकार्य असंच राहील', असं आश्वासन फडणवीसांनी दिल्याची माहिती मानेंनी दिली. आता कार्यकर्त्यांशी चर्चा करून अंतिम निर्णय मुख्यमंत्र्यांना कळवू, असं सांगत दिलीप माने यांनी आपली राजकीय दिशा ठरवण्याचे संकेत दिले आहेत. त्यामुळे सोलापूरच्या राजकारणात मोठी खळबळ उडाली आहे.