Maharashtra Monsoon Rain Update : राज्यभरात पावसाचा जोर कमी, विदर्भातील पूर ओसरण्यासही सुरुवात

Maharashtra Rain Updates : महाराष्ट्रात गेल्या दोन दिवसांपासून पावसाची संततधार पाहायला मिळाल्यावर अनेक जिल्ह्यांमध्ये पावसाने दडी मारली आहे. मागील दोन दिवसांत झालेल्या मुसळधार पावसामुळे अनेक भागांमध्ये पुरस्थिती निर्माण झाली. राज्यात काही भागांमध्ये तुरळक पाऊस झाला असून अनेक ठिकाणी पुराचं साचलेलं पाणी ओसरू लागलं आहे. मुंबई आणि नवी मुंबईमध्येही पावसाची रिपरिप सुरु आहे. नंदुरबार जिल्ह्यात ढगाळ वातावरण आहे अधूनमधून पावसाची रिपरिप सुरू आहे. धुळे, हिंगोली जिल्ह्यात मंगळवारपासून पावसाने विश्रांती घेतली आहे. भंडारा आणि गोंदियामध्येही मंगळवारपासून पाऊसाने दडी मारली आहे.