Maharashtra Monsoon | मुंबईसह उपनगरांत ढगांचा गडगडाट आणि विजांच्या कडकडाटासह पावसाची हजेरी

गेल्या काही दिवसांपासून मुंबईसह उपनगरांमधून पावसाने विश्रांती घेतली होती. अशातच आज पहाटेपासूनच मुंबईत पावसाने दमदार हजेरी लावली आहे. मुंबईसह उपनगरांमध्ये मुसळधार पावसाने हजेरी लावली आहे. सगळीकडे विजेच्या कडकडाटासह पाऊस सुरु आहे. मुंबई, ठाणे कल्याण, डोंबिवली, अंबरनाथ, बदलापूरमध्ये पावसाचा जोर वाढल्याचं पाहायला मिळत आहे. तसेच पश्चिम महाराष्ट्रातही पावसानं जोरदार हजेरी लावली आहे. पावसामुळे हवेत थोडा गारवा निर्माण झाल्यानं उकाड्यानं हैराण झालेल्या नागरिकांना थोडा दिलासा मिळाला.