Maharashtra Local Body Polls: निवडणुकांचं बिगुल वाजणार! पुढच्या आठवड्यात २८८ नगरपालिका-नगरपंचायतींसाठी घोषणा?

राज्यात स्थानिक स्वराज्य संस्थांच्या (Local Body Elections) निवडणुकांचे बिगुल लवकरच वाजणार असून, निवडणूक आयोग (State Election Commission) पुढील आठवड्यात घोषणा करण्याची शक्यता आहे. निवडणूक आयोगाकडून मिळालेल्या माहितीनुसार, पहिल्या टप्प्यामध्ये राज्यामधल्या २४६ नगरपालिका (Municipal Council) आणि ४२ नगरपंचायतींच्या (Nagar Panchayat) निवडणुका पार पडतील. संपूर्ण निवडणूक प्रक्रिया २१ दिवसांची असेल आणि ती तीन टप्प्यांमध्ये विभागली जाईल. दुसऱ्या टप्प्यामध्ये जिल्हा परिषद (Zilla Parishad) आणि पंचायत समितीच्या (Panchayat Samiti) निवडणुकांची घोषणा होण्याची शक्यता आहे. शेवटच्या टप्प्यामध्ये राज्यातील महापालिकांच्या (Municipal Corporation) निवडणुका जाहीर होणार असल्याची माहिती समोर आली आहे. या घोषणेमुळे राज्यात लवकरच आचारसंहिता (Model Code of Conduct) लागू होण्याचे संकेत मिळत आहेत.