Farmer Relief: 'राज्य सरकार शेतकऱ्यांच्या पाठीशी खंबीरपणे उभी आहे', कृषिमंत्री भरणे यांचे आश्वासन; ४८० कोटींची मदत जाहीर

राज्यातील अतिवृष्टीग्रस्त शेतकऱ्यांसाठी (Flood-Hit Farmers) राज्य सरकारने (Maharashtra Government) ४८० कोटी रुपयांची मदत जाहीर केली आहे, ज्यामुळे दिवाळीपूर्वी (Before Diwali) शेतकऱ्यांना मोठा दिलासा मिळाला आहे. कृषिमंत्री दत्तात्रय भरणे (Agriculture Minister Dattatray Bharane) यांनी सांगितले की, 'प्रत्येक नुकसानग्रस्त शेतकऱ्याला नुकसानभरपाई मिळेल, राज्य सरकार शेतकऱ्यांच्या पाठीशी खंबीरपणे उभी आहे आणि त्यांना पुन्हा उभे करण्यासाठी कटिबद्ध आहे'. सरकारने जारी केलेल्या आदेशानुसार, ही मदत अमरावती विभागातील अकोला, बुलढाणा, वाशिम आणि संभाजीनगर विभागातील जालना व हिंगोली या पाच जिल्ह्यांतील शेतकऱ्यांना दिली जाणार आहे. ऑगस्ट आणि सप्टेंबर महिन्यांतील अतिवृष्टीमुळे झालेल्या शेती पिकांच्या नुकसानीसाठी ही मदत जाहीर करण्यात आली असून, लवकरच निधी वितरण प्रक्रिया सुरू केली जाणार आहे.