Maharashtra Assembly brawl | विधीमंडळात राडा, मध्यरात्री Jitendra Awhad यांचा हायव्होल्टेज ड्रामा!

राज्य विधीमंडळाच्या पायऱ्यांवर गुरुवारी संध्याकाळी आमदार जितेंद्र आव्हाड आणि गोपीचंद पडळकर यांच्या कार्यकर्त्यांमध्ये हाणामारी झाली. या घटनेनंतर पोलिसांनी पडळकर गटातील पाच कार्यकर्त्यांना सोडून दिले, मात्र आव्हाड यांचा कार्यकर्ता नितीन देशमुख याला ताब्यात घेतले. रात्री उशिरा साडेबारा वाजता नितीन देशमुखला पोलीस घेऊन जात असताना जितेंद्र आव्हाड यांनी धाव घेतली. आव्हाड आणि त्यांच्या कार्यकर्त्यांनी पोलिसांची गाडी अडवून ठिय्या आंदोलन सुरू केले. जितेंद्र आव्हाड थेट पोलिसांच्या गाडीखाली शिरले, ज्यानंतर पोलिसांनी त्यांना अक्षरशः खेचून बाहेर काढले. रात्री दीड वाजता नितीन देशमुखला मरीन ड्राइव्ह पोलीस ठाण्यात नेण्यात आले, जिथे त्याच्यावर आणि ऋषिकेश टकलेवर गुन्हा दाखल झाला. यानंतर जितेंद्र आव्हाड आणि रोहित पवार हे दोघेही पोलीस ठाण्यात पोहोचले, जिथे रोहित पवार आणि एका पोलीस अधिकाऱ्यामध्ये बाचाबाची झाली. सरकारी कामात अडथळा आणल्याप्रकरणी जितेंद्र आव्हाड यांच्याविरोधात गुन्हा दाखल करण्यात आला आहे. आव्हाड यांनी हा हल्ला पूर्वनियोजित कट असल्याचा गंभीर आरोप केला आहे. ते म्हणाले, "ज्या पद्धतीने उभे आहेत ते बघितल्यानंतर हे असे एक तिथे, एक तिथे, एक तिथे उभा नाहीये. बरोबर पाच जण एकत्र उभे आहेत. आणि मारायला जाताना बरोबर पाच जण एकत्र गावून मारतात. म्हणजे हा प्लॅन होता." विरोधकांनी या प्रकारावरून कायदा सुव्यवस्थेवर प्रश्नचिन्ह उपस्थित केले आहे. विधीमंडळाच्या पायऱ्यांवरील हाणामारी आणि त्यानंतरचा मध्यरात्रीचा ड्रामा महाराष्ट्रासाठी लाजिरवाणा असल्याचे म्हटले जात आहे. राज्याची प्रतिमा आणखी खराब होऊ नये यासाठी लोकप्रतिनिधींच्या अशा वर्तनाला आळा घालण्याची गरज आहे.