Koregaon Park Land Scam: 'अजित पवारांनी तात्काळ राजीनामा द्यावा', Anjali Damania यांची मागणी.

कोरेगाव पार्कमधील (Koregaon Park) सरकारी जमीन व्यवहार प्रकरणी उपमुख्यमंत्री अजित पवार (Ajit Pawar) आणि त्यांचे पुत्र पार्थ पवार (Parth Pawar) यांच्या अडचणीत वाढ झाली आहे. व्यवहार रद्द करण्यासाठी पार्थ पवारांना ४२ कोटी रुपयांचा दंड भरावा लागू शकतो, यावर महसूलमंत्री चंद्रशेखर बावनकुळे (Chandrashekhar Bawankule) यांनी प्रश्नचिन्ह उपस्थित केले आहे. तर दुसरीकडे, सामाजिक कार्यकर्त्या अंजली दमानिया (Anjali Damania) यांनी पत्रकार परिषद घेऊन गंभीर आरोप केले आहेत. 'हे जे केलेलं आहे ते एक भयानक मोठं फ्रॉड आहे आणि त्यासाठी पहिला म्हणजे अजित पवारांनी तत्काळ राजीनामा दिला पाहिजे,' अशी मागणी दमानिया यांनी केली. तसेच, हा व्यवहार रद्द करता येणार नाही आणि पार्थ पवार यांचे नाव एफआयआरमध्ये (FIR) समाविष्ट करावे, असेही त्यांनी म्हटले आहे.