Kishor Kadam House Redevelopment | अभिनेत्याचे घर धोक्यात, पुनर्विकासात फसवणुकीचा आरोप, मदतीचे आवाहन

अंधेरी भागातील हवा महल सोसायटीच्या पुनर्विकासात मोठ्या प्रमाणावर फसवणूक आणि भ्रष्टाचार सुरू असल्याचा आरोप एका प्रसिद्ध अभिनेत्याने केला आहे. त्यांनी स्वतः फेसबुक पोस्ट करून आपले राहतं घर धोक्यात आल्याची माहिती दिली आहे. या अभिनेत्याने राज्याचे मुख्यमंत्री, उपमुख्यमंत्री आणि सहकार मंत्र्यांना मदतीचं आवाहन केलं आहे. त्यांच्यासोबतच आणखी तेवीस सभासदांच्या घरावरही टांगती तलवार असल्याचं त्यांनी नमूद केलं आहे. या सर्व अनागोंदी कारभाराला सोसायटीची कमिटी जबाबदार असल्याचं त्यांनी म्हटलं आहे. कमिटीने सभासदांना अंधारात ठेवत महत्त्वाची कागदपत्रं आणि माहिती लपवली असा आरोपही त्यांनी केला आहे. "चकाळाच्या भागातील हवा महल या सोसायटीच्या पुनर्विकासात मोठ्या प्रमाणावरती फसवणूक आणि भ्रष्टाचार सुरू आहे," असे त्यांनी म्हटले आहे. या प्रकरणी तातडीने लक्ष घालण्याची मागणी त्यांनी केली आहे.