Kirit Somaiya: पोलिसांच्या समन्सनंतर किरीट आणि नील सोमय्या नॉट रिचेबल ABP Majha

भाजप नेते किरीट सोमय्या आणि त्यांचे पुत्र नील सोमय्या यांना आज पोलीस ठाण्यात हजर राहण्याचं समन्स पोलिसांनी बजावलं आहे. आयएनएस विक्रांत बचाव या मोहिमेसाठी जमवलेल्या निधीप्रकरणी सोमय्या यांच्याविरोधात मुंबईतल्या ट्रॉम्बे पोलीस ठाण्यात गुन्हा दाखल करण्यात आलाय. या प्रकरणात पोलिसांनी सोमय्या पितापुत्रांना समन्स बजावलं आहे. आज सकाळी ११ वाजता दोघांनाही पोलीस ठाण्यात हजर राहण्यास सांगण्यात आलंय.